Udala Ekonomia
1960az geroztik, Agurainen industri garapena eman zen. Honek nekazaritza gainditzea ekarri zuen berarekin.
Lautada osoak baldintza onak eskaintzen ditu nekazaritzarako, batez ere garagar, patata, erremolatxa, barazki eta bazka-landareak ereiteko. Aintzinean, laborantza alderdiko funts ekonomikoa zen. Abeltzaintza beti izan da oso faktore inportantea Hiribilduan, baina bigarren mailakoa. Zaldi, txerri, behi eta ardien hazkuntzan oinarritzen da, batez ere ardi latxarena, Entzia Mendizerran eta Iturrieta Mendietan larratzen duena.
XX. mendeko 60. hamarkadatik aurrera industria garapena hasten da, nekazaritza gailenduz oinarri ekonomiko gisa. Hasiera batean, aipatu garapena Gipuzkoatik etorritako enpresei esker gauzatzen da. Lehendik ere bazeuden lantegiak Hiribilduan, besteak beste, irin-fabrika, Dionisio Preciado berniz fabrika, Arabako Zeramika, Gomez de Segura nekazal makineria-fabrika, 1900. urtean fundatua, 1924an sortutako “Panadería Salvaterrana”, zerratoki mekanikoa edo 1938an sortutako Julian Lopez de Heredia zurrategia.
Gaur egun, enpresa inportanteenak metalgintza sektorekoak dira, ehungintzakoak edo eraikintzakoak ere inportanteak diren arren. Enpresa gehienak txikiak edo ertainak dira, metalgintza sektorekoak (ATUSA eta P.F.M.E. S.A.) handienak badira ere.
Agurain hiribildua betidanik bere inguruko gune ekonomikoa izan denez gero, zerbitzu azpiegitura bat garatu du, publiko zein pribatua, gaur egun finkatu eta garatu egin dena. Egun, turismoa ere gorantz doan beste faktore ekonomiko bat daukagu.
- Aguraingo Udala
- Tel: 945 300 155
- Fax: 945 312 024
- Harremanak