Ondarea eta Turismoa - Udala
Herritarra - Agurain On
- Agenda
Jeiki Dantza Taldea
1990. urtean Jeiki Dantza Taldea sortu zen, ehun bat lagunekin eta udalaren laguntzarekin.
Oso erreferentzia gutxi kontserbatu egin dira Aguraingo dantza tradizionalen gainean. Aintzinean hain inportanteak ziren ezen ez zen espero denboraren poderioz galduko zirenik. Hori dela eta, gaur egun dantza horietako izenak mantentzen diren arren, beren musika zein koreografia ezezagunak dira, salbu bertakoa den “Lezea” izeneko dantza.
XX. mendeko 30. hamarkadan dantza tradizionalari bultzada inportantea eman zitzaion Batzokiaren bidez. Ezaguna da 1931. urtean Agurainen dantza-talde bat zegoela, San Juanetan ezpata-dantza dantzatu zuena. Hala ere, 1936ko Gerra Zibilaren ostean, eta frankismoan zehar, kulturgintza ia erabat baztertu zen, eta horrekin batera agerraldi folklorikoak.
Gerra ostean, Euskal Herri osoan ahalegin handiak egin ziren dantza-talde berriak sortzeko. Geroago 60. hamarkadan dantza-talde asko errekuperatu ziren, eta lankidetzari esker, Aguraingo Kirol Elkartearen Dantza Taldea sortu zen.
70. hamarkadan Aguraingo Udaleko Dantza Taldea sortu zen, Corazón de María ikastetxeko ikasleek bakarrik osatua, eta serora María José Riojak zuzendua. Talde hau hainbat lehiaketatan hartu zuen parte, bai eta festa eta erromeria askotan ere. Garai horretan Manu Yanke Mendi Elkarteak Euskal Herri osoko dantzari bilkura antolatu zuen urriko festetan.
Udalak lagunduta, 1990ean Jeiki Dantza Taldea sortu zen, ehun bat lagunekin. Zazpi talderekin (haurrentzako sei talde eta neska gazte talde bat) gogor lan egin ostean, bertakoa den “Lezea” dantza errekuperatzea lortu zen.
2002. urtean Jeiki Euskal Dantza Taldeak bigarren fase bati egin zion aurre; orduan zortzi umerekin, egun, zazpi urte geroago, jeikik 80 kide ditu, adinaren araberako bost taldetan banatuak, hiru urte bete berriak diren umeetatik helduetara. Aguraingo Udalak diruz laguntzen dion arren, Jeiki Dantza Taldea elkarte pribatua da.
Aguraingo jaialdietan parte hartzeaz gain, Jeikik Arabako hainbat herritako festetan hartu du parte, hala nola, Okako Langraitzen, Zalduondon, edo 2008ko Arabako Dantzari Egunean.
- Aguraingo Udala
- Tel: 945 300 155
- Fax: 945 312 024
- Harremanak